თბილისში, ჭავჭავაძის გამზირის 72ა ნომერში, ბოქსის დარბაზი - „12 ROUNDS“ რიგით მე-2 ფილიალი გაიხსნა.
ფილიალი 4 კონცეპტუალურ სივრცეს - კრივის, ფუნქციონალური ტრენინგის, კლასიკური ჯიმისა და მოსასვენებელ ზონებს აერთიანებს.
ახალ ფილიალში მომხმარებელს ზრდასრული და ბავშვებისთვის განკუთვნილი კრივის ჯგუფური და ინდივიდუალური გაკვეთილები დახვდებათ. ასევე ფუნქციონალური და მაღალი ინტენსივობის ჯგუფური აქტივობები, იოგა და პილატესი.
1000 კვადრატულ მეტრზე განთავსებული დარბაზის სივრცე - აღჭურვილია უმაღლესი სტანდარტის, პროფესიონალური რინგითა და ტომრებით, ხოლო მეორე სართულზე განთავსებული სატრენაჟორო ზონაში წარმოდგენილია ბოლო თაობის TECHNOGYM–ის მულტიფუნქციური სავარჯიშო ტრენაჟორები.
„12ROUNDS“ საქართველოში TITLE BOXING-ის ბრენდის ოფიციალური წარმომადგენელია. TITLE ხარისხითა და არჩევანის მრავალფეროვნებით კრივის სამყაროში ერთერთი წამყვანი ბრენდია. მომხმარებელს კლუბში აღნიშნული ბრენდის და ასევე 12 ROUNDS–ის ბრენდირებული ინვენტარის ფართო ასორტიმენტი დახვდება.
„12ROUNDS“, რომლის დევიზია - The coolest place in town to get rid of stress and negativity - 2 წელია ბაზარზე მომხმარებელს მაღალი და პროფესიონალური სტანდარტებით ემსახურება.
2025 წელს, თბილისში რიგით მე-3 ფილიალის გახსნა იგეგმება, რომლის ლოკაცია უკვე შერჩეულია. კლუბის პირველი ფილიალი სავაჭრო ცენტრ „სითი მოლში“ მდებარეობს.
