ჩვენ გთავაზობთ

კრივი

კრივი არის მაღალ ინტენსიური კარდიო და ამავდროულად ფეთქებადი ვარჯიში, რომელშიც ჩართულია მთლიანი სხეული.
მისი დინამიურობიდან გამომდინარე ორგანიზმი მოიხმარს დიდი რაოდენობის კალორიას, ასევე პოზიტიურად აისახება ჩვენს ორგანიზმში მიმდინარე მეტაბოლურ პროცესებზე. ის ეხმარება ჰორმონალური ფონის გაუმჯობესებას როგორც უშუალოდ ვარჯიშის, ასევე შემდგომ პერიოდშიც, რაც თავის მხრივ პირდაპირ კავშირშია სტრესთან ბრძოლაში. გარდა ზემოთჩამოთვლილისა, კრივი დაგეხმარებათ გამძლეობის, მოქნილობის, კოორდინაციის, რეფლექსების, ბალანსის განვითარება-გაუმჯობესებაში. საგრძნობლად შეცვლის თქვენი სხეულის კომპოზიციას და რელიეფს

ფუნქციონალური

ფუნქციონალური ვარჯიშების სისტემა ამზადებს ადამიანის ორგანიზმს და სხეულს გაზარდოს და გააუმჯობესოს საკუთარი შესაძლებლობები.
ფუნქციონალური ვარჯიშები შედგება მრავალსახსრიანი ვარჯიშებისაგან, რაც ასწავლის სხეულის კუნთების ჯგუფს იმოძრაონ ერთდროულად, გაზარდოს საერთო და აერობული ძალა, კოორდინაცია, ბალანსი.

ვარჯიშები სრულდება როგორც საკუთარი სხეულით ასევე დამატებითი სიმძიმეების გამოყენებით. ფუნქციონალური ვარჯიშების სისტემა, უშუალოდ ტრენერის მიერ იგეგმება რაც იძლევა საშუალებას ვარჯიშები იყოს მრავალფეროვანი და მორგებული ინდივიდუალური მომზადების და ფიზიკური შესაძლებლობების მიხედვით.ფუნქციონალური ვარჯიშები ხელს უწყობს ჯანმრთელობის ხარისხისა და ფიზიკური შესაძლებლობების გაუმჯობესებას.

იოგა

კლასები დაფუძნებულია ჰათჰა იოგას, აშტანგას, კუნდალინის და ვინიასას ელემენტებზე.
ძალისმიერი და მოქნილობის პოზები, დინამიური და სტატიკური ვარჯიშები ისე ენაცვლებიან ერთმანეთს, რომ ერთი მეორისგან გვასვენებს. ფიზიკური ვარჯიშის პარალელურად ვიყენებთ სხვადასხვა სუნთქვით ტექნიკებსა და მოძრაობის თანადროულ სუნთქვას, რაც გვეხმარება ვიყოთ გაცნობიერებულ მდგომარეობაში.